Хитай - русийә һәрбий маневириниң тәйярлиқи пүткән


2007-06-29
Share

Русийә даирилириниң пәйшәнбә күни билдүрүшичә, хитай - русийә қисимлирини асас қилип русийиниң урал районида елип берилидиған шаңхәй гуруһидики дөләтләрниң "тинчлиқ әлчиси 2007 " намлиқ һәрбий маневириниң тәйярлиқи асасән пүтүп қалған.

Русийә дөләт мудапиә министири сергей иваноф " тинчлиқ әлчиси 2007" намлиқ һәрбий маневир 8 - айниң 9 - күнидин 17 - күнигичә урал райониниң челябениский областида өткүзүлидиғанлиқини вә маневирниң һәр қайси басқучлардики тәйярлиқ хизмити пүтүп қалғанлиқини билдүргән.

Сергей иваноф, илгири америкиниң шәрқий явропада башқурулидиған бомба мудапиә сестимиси орунлаштуруш пиланини тәнқидләп, бу пилан һәрбий вә истиратегийилик тәңпуңлуқни бузупла қалмай, русийиниң явропа иттипақи һәм ш а о ә т билән болған бихәтәрлик һәмкарлиқ мунасивитигә дәхли йәткүзидиғанлиқини тәкитлигән иди.

Хитай болса америкиниң чех җумһурйитигә башқурулидиған бомба орунлаштуруш пиланиға анчә етибар қилмай кәлгән болсиму, лекин америкиниң японийә вә австиралийиләр билән бирләшмә башқурулидиған бомба қалқан сестимиси қуруши пиланиға қарши чиқмақта.

Алдинқи күни шаңхәй гуруһидики әлләрниң дөләт мудапиә министирлири қирғизистан пайтәхти бишкәккә йиғилип, бу қетимқи маневирни музакирә қилди вә маневир тоғрисида келишим имзалиди. Қирғизистан дөләт мудапиә исмаил исақоф, маневир һәққидики келишим шаңхәй гуруһидики дөләтләрниң һәрбий һәмкарлиқи күчийиватқанлиқини испатлайдиған муһим һөҗҗәт, дәп көрсәтти.

Хитай мәтбуатлириниң хәвиригә қариғанда, хитай бу қетимқи маневирға 1500 кишилик һәрбий қошун қатнаштурмақчи икән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт