Рамсфелд русийә вә хитай сиясәтлириниң кишини әндишиләндүридиғанлиқини ейтти


2006-05-11
Share

Америка дөләт мудапиә министири доналд рамсфелд америка һөкүмитиниң, русийиниң енергийә мәнбәсини сиясий қорал қиливелиши вә хитайниң һәрбий хираҗитиниң ениқ болмаслиқи қатарлиқ бир йүрүш сиясәтлиридин әндишә қилидиғанлиқини билдүрди.

Рамсфелдниң бу сөзлири франсийидә чиқидиған "ле фигаро" күндилик гезитидә елан қилинған болуп, рамсефелд сөзидә йәнә, " америкиниң һазирқи диққити ирақ билән афғанистанда, бирақ кәлгүсидә америкиниң сиясити русийә билән хитайға охшаш күчләрниң таллишиға асасән бекитилиду" дегән.

Рамсфелдниң ейтишичә, хитайниң һәрбий хираҗитини рошән тутмаслиқи икки дөләт мунасивитигә тәсир йәткүзмәктә икән. У йәнә, " хитайниң бәзи мәсилиләрдики позитсийиси кишини әндишигә салиду. Шундаақла бу әһвал аримиздики мунасивәтни мурәккәпләштүриватиду" дәйду.

Рамсфелд сөзидә йәнә, мол тәбиий байлиқиға игә болған русийиниң, америкиниң бихәтәрлик саһәсидики бир һәмрийи икәнликини, лекин русйиниң бәзи мәсилиләрдә яхши һәмкарлашмай, енергийә мәнбәсини сиясий қорал қиливеливатқанлиқини көрсәтти. Буниң алдида америка муавин президенти дик чейниму русийини әйибләп, " енергийә мәнбәсидин пайдилинип, қошна дөләтлирини қақти-соқти қиливатиду" дегән иди.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт