Ramsféld rusiye we xitay siyasetlirining kishini endishilendüridighanliqini éytti


2006-05-11
Share

Amérika dölet mudapi'e ministiri donald ramsféld amérika hökümitining, rusiyining énérgiye menbesini siyasiy qoral qiliwélishi we xitayning herbiy xirajitining éniq bolmasliqi qatarliq bir yürüsh siyasetliridin endishe qilidighanliqini bildürdi.

Ramsféldning bu sözliri fransiyide chiqidighan "lé figaro" kündilik gézitide élan qilin'ghan bolup, ramséféld sözide yene, " amérikining hazirqi diqqiti iraq bilen afghanistanda, biraq kelgüside amérikining siyasiti rusiye bilen xitaygha oxshash küchlerning tallishigha asasen békitilidu" dégen.

Ramsféldning éytishiche, xitayning herbiy xirajitini roshen tutmasliqi ikki dölet munasiwitige tesir yetküzmekte iken. U yene, " xitayning bezi mesililerdiki pozitsiyisi kishini endishige salidu. Shunda'aqla bu ehwal arimizdiki munasiwetni murekkepleshtüriwatidu" deydu.

Ramsféld sözide yene, mol tebi'iy bayliqigha ige bolghan rusiyining, amérikining bixeterlik sahesidiki bir hemriyi ikenlikini, lékin rusyining bezi mesililerde yaxshi hemkarlashmay, énérgiye menbesini siyasiy qoral qiliwéliwatqanliqini körsetti. Buning aldida amérika mu'awin prézidénti dik chéynimu rusiyini eyiblep, " énérgiye menbesidin paydilinip, qoshna döletlirini qaqti-soqti qiliwatidu" dégen idi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet