Rusiye: xitaylarning rusiyide xitay rayoni peyda qilishigha qet'iy yol qoyulmaydu


2008.02.28

Rusiye köchmenler idarisining yuqiri derijilik emeldari, rusiye hökümitining xitay we bashqa dölet köchmenlirining rusiyide xitay kochisigha oxshash köchmenler rayoni tesis qilishigha qet'iy yol qoymaydighanliqini bildürdi. Mutexesislerning bildürüshiche, gerche nöwette rusiye bilen xitayning siyasiy munasiwiti alahide yéqin bolsimu, biraq xitay köchmenliri mesilisi rusiye her qaysi sahesining küchlük diqqitini qozghimaqta iken.

Rusiye köchmenler idarisining mes'uli romodowiniski yéqinda rusiye metbu'atlirigha, rusiye hökümitining xitaylargha rusiye sheherliride mexsus xitay baziri we kochisigha oxshash milliy tüs alghan köchmenler rayoni berpa qilishigha yol qoymaydighanliqini alahide otturigha qoyghan.

Mezkür xadim, xitay köchmenlirining rusiyide nurghunlighan qalaymiqanchiliqlarni peyda qilghanliqini tekitlesh bilen birge, xitaylarning sayahet salahiyitini qollinish arqiliq, rusiyini özlirining yawrupa döletlirige qanunsiz köchmen yötkesh köwrüki qiliwalghanliqini ashkarilighan.

Bir qisim xitaylar sayahet qilish bahaniside her qaysi döletlerge bérip, shu döletlerde qanunsiz emgek qilish, bolupmu qanunsiz adem yötkesh qilmishliri bilen shughullinip kelmekte. Yéqinda amérikining nyuyork shehiridiki xitay kochisida qimmiti 60 milyon dollarliq saxta mal ashkarilan'ghan bolup, mezkür xitay kochisi amérikidiki qanunsizliq jinayiti eng köp yüz béridighan rayonlarning biri hésablinidu. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.