Sadam üstidin échilidighan sot 19 - öktebirge békitildi


2005.09.04

Baghdat da'irilirining melum qilishiche, amérika teripidin aghdurup tashlan'ghan sabiq iraq prézidénti sadam hüseyin üstidin échilidighan sot 10 - ayning 19 - künige békitilgen. Bu kün, iraqliqlarning yéngi asasiy qanun üstidin élip baridighan omumiy saylamdin 4 kün kéyin bolidu.

Iraq hökümiti bayanatchisi yekshenbe küni sot échilish künini jakarlighan bolup, sotqa yene, sadam hüseyinning 7 neper yéqin tuqqini qatnishidiken. 68 Yashliq sadam hüseyin yene nurghun türlerde eyiblinidighan bolup, kéler aydiki sot peqet bu eyibleshlerning birsi hésablinidu. Küzetküchiler sadam hüseyinning hemmidin, 23 yil awalqi sünni musulmanlar üstidin élip barghan chong qirghinchiliq bilen küchlük eyiblinishi mumkinlikini bildürmekte.

U qirghinchiliqta 140 nechche sünni musulmanliri öltürülgen bolup, sadam hüseyinning özi üstidin élip bérilghan bir qestlep öltürüsh weqesidin öch élish üchün mushundaq qilghanliqi melum bolmaqta. Shundaqla sadam üstidin chiqirilghan bu eyibleshlerning hemmisige ölüm jazasi bérilse bolidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.