Sadam höseyinning aqlighuchi adwokati öltürüldi

Iraqning sabiq prézidénti sadam höseyinning aqlighuchi adwukati sadun naso'af el janabi étip öltürüldi.

Iraq da'irilirining bildürishiche, el janabi sadam höseyin we bashqa yette sabiq emeldarning aqlighuchi adwukadlirining biri bolup,u charshenbe küni sadam höseyin üstidin échilghan sotqa qatnashqan.

Chet'el metbu'atlirining xewirige qarighanda, u peyshenbe küni kechte baghdatning sherqidiki ish béjirish ornida namelum qoralliq kishiler teripidin gürüge élinip, uzun ötmeyla étip öltürülgen.

Iraq da'iriliri uning jesitini jüme küni bir meschitning sirtida bayqighan bolup, u bash we kökrek tereptin bir qanche pay oq yigen iken.

Iraq hökümiti sadam höseyin üstidin échiliwatqan sotni téximu qiyinlashturidighan bu qatilliqni eyiblidi. Sadam höseyin dilosini sorawatqan qarilighuchi adwukatlar we sotchilarning köp qismi mexpiy tutulup, qattiq qoghdash astigha élin'ghan. Emma aqlighuchi adwukatlarning salahiyiti ashkara bolup, sadam höseyinning bash adwukati xalil duleymining bildürüshiche, ular toxtimay tehditke uchrimaqta.

Iraq hökümiti nöwette sadam höseyinning aqlighuchi adwukatlirinimu qoghdash tedbirlirini alidighanliqini bildürmekte. (Arzu)