Sadam hüseyin guwahliqtin ötti

Iraqning sabiq prézidénti sadam hüseyin charshenbe küni sotta tunji qétim ispatliqtin ötüp, iraq xelqini diniy mezhep urushini élish bérishning ornigha birliship amérika armiyisige qarshi köresh qilishqa chaqirdi. Bash sotchi sadam hüseyin siyasiy bayanat élan qilghanliqi üchün sotni toxtitishqa buyruq qildi.

Amérika birleshme agéntliqining xewer qilishiche, gerche bash sotchi tekrar halda sadamni sözlimeslik heqqide agahlandurghan bolsimu, lékin sadam hüseyin teyyarliwalghan tékistini toxtimay oqup, özining yenila iraq prézidénti ikenlikide ching turdi.

Sadam sotta " barliq xelq birliship, tajawuzchilargha qarshi köresh qilishi kérek" dep towlidi. Bash sotchi ra'uf abdilraxman axiri sotning dawamini mexpiy échishni qarar qilip, sottiki muxbirlarni we sin alghuchilarni sottin chiqip kétishke buyridi.

Sadam hüseyin özi bilen birge sotqa tartilghan 8 kishi arisidiki ispat bérishke tartilghan eng axirqi biri bolup, gerche u öktebirdin bashlan'ghan sot jeryanida sözlesh pursitige érishken bolsimu, lékin bu nöwet bash sotchi we qarilighuchilarning shi'e musulmanlirini qirghin qilish toghrisida tunji qétim sadamdin biwaste su'al sorishi hésablinidiken. (Peride)