Садам һүсәйинниң шиә мусулманлирини өлтүрүш һөҗҗитигә қол қойғанлиқи ениқланди


2006.04.19

Ирақниң сабиқ президенти садам һүсәйин үстидин ечилған сот чаршәнбә күни қайта әслигә кәлтүрүлди. Шундақла сотта садам һүсәйинниң 1980‏- йиллиридики шиә мусулманлирини бастурушқа даир һөҗҗәткә имза қойғанлиқи испатланди.

Садам һүсәйин чаршәнбә күни сотқа күчлүк бихәтәрлик тәдбирлири елинған әһвалда елип келингән. Баш сотчи сотта, шиә мусулманлирини бастурушқа даир бу һөҗҗәттики қол имзасиниң һәқиқәтән садам һүсәйинниң икәнликини һөкүм қилди. Дүшәнбә күнидики сотта бир нәпәр қол имза мутәхәссиси испатлиқтин өтүп, садам һүсәйинниң қол язмиси үстидин елип барған тәкшүрүшигә асасән бу һөҗҗәттики имзаниң садамниң икәнликини көрсәткән иди.

Бу һөҗҗәттә йәнә, 1982‏- йили дуҗайил кәнтидики шиә мусулманлирини бастурған ахбарат хадимлирини мукапатлашқиму рухсәт қилинған. Әмма садам һүсәйинниң ақлиғучиси изчил түрдә бу һөҗҗәтләрдики имзаниң садам һүсәйинниң әмәсликини тәкитлигән.

Бу күндики сотқа садам билән биргә йәнә униң 7 нәпәр ширикиму қатнашқан. Уларму садамға охшашла 148 нәпәр шиә мусулманлириниң өлүшини кәлтүрүп чиқарған қирғинчилиқ билән әйибләнгән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.