Sadam hüseyinning shi'e musulmanlirini öltürüsh höjjitige qol qoyghanliqi éniqlandi

Iraqning sabiq prézidénti sadam hüseyin üstidin échilghan sot charshenbe küni qayta eslige keltürüldi. Shundaqla sotta sadam hüseyinning 1980‏- yilliridiki shi'e musulmanlirini basturushqa da'ir höjjetke imza qoyghanliqi ispatlandi.

Sadam hüseyin charshenbe küni sotqa küchlük bixeterlik tedbirliri élin'ghan ehwalda élip kélin'gen. Bash sotchi sotta, shi'e musulmanlirini basturushqa da'ir bu höjjettiki qol imzasining heqiqeten sadam hüseyinning ikenlikini höküm qildi. Düshenbe künidiki sotta bir neper qol imza mutexessisi ispatliqtin ötüp, sadam hüseyinning qol yazmisi üstidin élip barghan tekshürüshige asasen bu höjjettiki imzaning sadamning ikenlikini körsetken idi.

Bu höjjette yene, 1982‏- yili dujayil kentidiki shi'e musulmanlirini basturghan axbarat xadimlirini mukapatlashqimu ruxset qilin'ghan. Emma sadam hüseyinning aqlighuchisi izchil türde bu höjjetlerdiki imzaning sadam hüseyinning emeslikini tekitligen.

Bu kündiki sotqa sadam bilen birge yene uning 7 neper shirikimu qatnashqan. Ularmu sadamgha oxshashla 148 neper shi'e musulmanlirining ölüshini keltürüp chiqarghan qirghinchiliq bilen eyiblen'gen. (Peride)