Садам һүсәйин ашлиқ елан қилип адвокатиниң өлүмигә наразилиқ билдүрди


2006.06.22

Садам һүсәйин адвокатлири гурупписиниң ейтишичә, садам ашлиқ елан қилип, өзиниң асаслиқ адвокатлиридин бири һесабланған хамис обәйдиниң өлүмигә наразилиқ билдүргән.

Ройетрис агентлииқниң 22 ‏- июн күни бәргән хәвиригә қариғанда, адвокат хамис обәйдиниң җәсити, 21 ‏- июн күни, ирақниң пайтәхти бағдаттин тепилған. Хәвәрдә йәнә ейтилишичә, бу вәқә йүз бериштин бир қанчә саәт бурун уни, намәлум кишиләр өйидин елип кәткән.

Бу арида , садам адвокатлар гурупписиниң мәсуллиридин бири болған дуләйминиң билдүрүшичә, садам вә униң билән мунасивәтлик дәп қаралған 7 нәпәр җавабкарму , адвокатлири хәлқараниң қоғдишиға еришкәнгә қәдәр ,өзлириниңму ашлиқ елан қилидиғанлиқини билдүргән.

Садам вә униң билән мунасивәтлик 7 киши, адаләткә қарши җинайәтчи дегән гунаһ билән бағдатта сотқа тартилмақта , бирақ улар 148 нәпәр шийә мусулманлириниң өлүми билән мунасивәтлик икәнликини инкар қилип кәлмәктә. 1982 ‏- Йили садамни өлтүрүш сүйқәсти ишқа ашмиғандин кейин, йүзлигән киши мәзкүр сүйқәсткә мунасивәтлик дәп, садам тәрипидин өлтүрүлгән иди.

Ирақ телевизийә истансиси, һазирға қәдәр садамниң 3 нәпәр адвокатиниң өлтүрүлгәнликини билдүрмәктә.

Садамға мунасивәтлик дило үстидин 7‏- айниң 10 ‏- күни қайта сот ечилиду, мәзкүр сотта сотчи әң ахирқи һөкүмни чиқириду. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.