Sadam hüseyin ashliq élan qilip adwokatining ölümige naraziliq bildürdi

Sadam hüseyin adwokatliri guruppisining éytishiche, sadam ashliq élan qilip, özining asasliq adwokatliridin biri hésablan'ghan xamis obeydining ölümige naraziliq bildürgen.

Royétris agéntli'iqning 22 ‏- iyun küni bergen xewirige qarighanda, adwokat xamis obeydining jesiti, 21 ‏- iyun küni, iraqning paytexti baghdattin tépilghan. Xewerde yene éytilishiche, bu weqe yüz bérishtin bir qanche sa'et burun uni, namelum kishiler öyidin élip ketken.

Bu arida , sadam adwokatlar guruppisining mes'ulliridin biri bolghan duleymining bildürüshiche, sadam we uning bilen munasiwetlik dep qaralghan 7 neper jawabkarmu , adwokatliri xelq'araning qoghdishigha érishken'ge qeder ,özliriningmu ashliq élan qilidighanliqini bildürgen.

Sadam we uning bilen munasiwetlik 7 kishi, adaletke qarshi jinayetchi dégen gunah bilen baghdatta sotqa tartilmaqta , biraq ular 148 neper shiye musulmanlirining ölümi bilen munasiwetlik ikenlikini inkar qilip kelmekte. 1982 ‏- Yili sadamni öltürüsh süyqesti ishqa ashmighandin kéyin, yüzligen kishi mezkür süyqestke munasiwetlik dep, sadam teripidin öltürülgen idi.

Iraq téléwiziye istansisi, hazirgha qeder sadamning 3 neper adwokatining öltürülgenlikini bildürmekte.

Sadamgha munasiwetlik dilo üstidin 7‏- ayning 10 ‏- küni qayta sot échilidu, mezkür sotta sotchi eng axirqi hökümni chiqiridu. (Eqide)