Saddam hüseyin kelgüsi 24 sa'et ichide dargha ésilishi mumkin


2006.12.29

Iraqning sabiq prézidénti saddam hüseyinning mushu bir qanche sa'et ichide dargha ésilidighanliqi xewer qilindi. Chet'el metbu'atlirining xewer qilishiche, iraqtiki weqedin xewerdar kishiler saddamning jüme küni kechte dargha ésilidighanliqini bildürgen. Lékin bezi küzetküchiler, ölüm jazasining qurban héyt munasiwiti bilen bir hepte kéchiktürülüsh éhtimali yoq emeslikini bildürmekte.

Saddam hüseyinning adwokati, amérika herbiy da'irilirining saddam hüseyin'ge tewe buyumlarni élip kétishni telep qilghanliqini bildürgen. Lékin u, amérikiliqlarning saddamni qachan iraq da'irilirigha tapshurup béridighanliqini bilmeydiken.

Amérika iraqning igilik hoquqini buningdin xéli burunla iraqliqlargha ötküzüp bergen bolsimu, lékin saddam hüseyinni hazirgha qeder baghdat ayrodrumidiki bir jayda tutup turmaqta.

Iraq bash ministiri el maliki, saddamning ölüm jazasi hergiz kéchiktürülmeydighanliqini bildürdi. U, saddam hüseyyinning dargha ésilishigha qarshi turush, saddamning ziyankeshlikige uchrighuchilargha qilin'ghan haqaret, deydu.

Nyu - york waqti géziti, saddamning eng baldur bolghanda shenbe küni etigende dargha ésilidighanliqini ilgiri sürdi. Amérika herbiy da'iriliri bolsa saddamning ölümi toghrisidiki xewerlerge baha bérishni ret qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.