سادام ھۈسەيىن 12 خىل ئەيىبلەشكە دۇچ كېلىشى مۇمكىن


2005.06.05
Share on WhatsApp
Share on WhatsApp

ببس ئاگېنتلىقىنىڭ ئۇچۇرىغا قارىغاندا، ئىراق ھۆكۈمىتىنىڭ باياناتچىسى 5-ئىيۇن كۈنى سادام ھۈسەيىننىڭ بەلكى 12 خىل ئەيىبلەشكە دۇچ كېلىدىغانلىقىنى بىلدۈرگەن. ئۇ، بۇرۇن ئېيتىلغاندەك سادام ھۈسەيىن ئۈستىدىن 500 خىل ئەيىبلەش چىقىرىشنىڭ نامۇۋاپىق ئىكەنلىكىنى، بۇنىڭ ئۈچۈن ۋاقىتنى ئىسراپ قىلىشنىڭ ھاجىتى يوقلىقىنى كۆرسەتكەن.

ئىراق ھۆكۈمەت باياناتچىسىنىڭ بىلدۈرۈشىچە، ھۆكۈمەتنىڭ مەيدانى ئىككى ئاي ئىچىدە سوتلاشنى باشلاشتىن ئىبارەت. مەزكۇر باياناتچى يەنە بۇ 12 خىل ئەيىبلەشنىڭ سادام ھۈسەيىنگە نىسبەتەن ناھايىتى ئەڭ ئېغىر جازا بولىدىغانلىقىنى كۆرسەتكەن.

سادام ھۈسەيىن ئۈستىدىن چىقىرىلغان بۇ 12 خىل ئەيىبلەشنىڭ قاتارىغا ئۇنىڭ 1988-يىلى كۇردلارغا خىمىيىلىك قوراللار بىلەن زەربە بېرىشى، 1990-يىلى ئۇنىڭ كۇۋەيتكە ھۇجۇم قوزغىشى ھەمدە 1991-يىل، شىئە مەزھىپىگە مەنسۇپ مۇسۇلمانلارنى باستۇرۇشى ۋە باشقىلار كىرىدىكەن.

خەۋەرلەردە ئېيتىلىشىچە، ئەگەر سادام ھۈسەيىن ئۈستىدىن چىقىرىلغان كۆپ خىل ئەيىبلەشلەر ئېتىراپ قىلىنىپ، ئۇنىڭ جىنايىتى بېكىتىلسە، بەلكى ئۇنىڭغا ئۆلۈم جازاسى بېرىلىش ئېھتىماللىقىمۇ بار ئىكەن.

سادام ھۈسەيىن 2003-يىلى 12-ئايدا ئامېرىكا ئەسكەرلىرى تەرىپىدىن تۇتۇلغان ئىدى. (ئۈمىدۋار)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت