Sadam hüseyin 12 xil eyibleshke duch kélishi mumkin


2005-06-05
Share

Bbs agéntliqining uchurigha qarighanda, iraq hökümitining bayanatchisi 5-iyun küni sadam hüseyinning belki 12 xil eyibleshke duch kélidighanliqini bildürgen. U, burun éytilghandek sadam hüseyin üstidin 500 xil eyiblesh chiqirishning namuwapiq ikenlikini, buning üchün waqitni israp qilishning hajiti yoqliqini körsetken.

Iraq hökümet bayanatchisining bildürüshiche, hökümetning meydani ikki ay ichide sotlashni bashlashtin ibaret. Mezkur bayanatchi yene bu 12 xil eyibleshning sadam hüseyin'ge nisbeten nahayiti eng éghir jaza bolidighanliqini körsetken.

Sadam hüseyin üstidin chiqirilghan bu 12 xil eyibleshning qatarigha uning 1988-yili kurdlargha ximiyilik qorallar bilen zerbe bérishi, 1990-yili uning kuweytke hujum qozghishi hemde 1991-yil, shi'e mezhipige mensup musulmanlarni basturushi we bashqilar kiridiken.

Xewerlerde éytilishiche, eger sadam hüseyin üstidin chiqirilghan köp xil eyibleshler étirap qilinip, uning jinayiti békitilse, belki uninggha ölüm jazasi bérilish éhtimalliqimu bar iken.

Sadam hüseyin 2003-yili 12-ayda amérika eskerliri teripidin tutulghan idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet