Xelq'ara saqchi teshkilati sadam hüseyinning chong qizi raghetni tutush buyruqi chiqardi


2007.08.17
Share on WhatsApp
Share on WhatsApp

Xelq'ara saqchi teshkilati iraqning sabiq prézidénti sadam hüseyinning chong qizi raghetni tutush buyruqi chiqirip, uni térrorizmgha chétilghan, dep eyiblidi. Bu yil 40 yashlargha kirip qalghan raghet, sadam hüseyinning tunji ayali sajidedin tughulghan tunji perzentidur.

U, amérika armiyisi baghdadni ishghal qilghandin kéyin, i'ordaniyide qéchip bérip shu jayda panahlan'ghan. 2006 - Yili iraq hökümiti raghet we uning anisi sajide üstidin tutush buyruqi chiqirip, ularni iraqtiki isyanchi küchlerni qollimaqta, dep eyibligen. Iraq ichki ishlar ministirlikining eskertishiche, xelq'ara saqchi teshkilati jüme küni her qaysi eza döletlerge raghetni tutush toghrisida resmi uqturush tarqatqan.

Raghet, sadam hüseyin ölüm jazasigha höküm qilin'ghandin kéyin, bir mezgil adwokatlarni teshkillep dadisini aqlimaqchi boldi. Lékin sadam hüseyin ötken yili 12 ayda dargha ésilghandin kéyin, u sadam hüseyinning méyitini taki amérikiliqlar iraqtin qoghlap chiqirilghan'gha qeder waqtinche yemen'ge kömüshni telep qilghan. I'ordaniye da'irilirining bildürüshiche, raghet, i'ordaniyide musapir süpitide turiwatqan bolsimu, lékin ular raghetning yéqindin bériqi iz dérikini bilmeydiken. Sadam hüseyinning tunji ayali sajidedin raghet, rena, xalan, oday we kusay, deydighan 5 perzenti bar idi. Perzentliridin uday bilen kusay, amérika armiyisi iraqqa kirgendin kéyin, musul etrapidiki bir toqunushta amérika qisimliri teripidin öltürülgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.