Перу хитайда ясалған 60 тонна оюнчуқта зәһәрлик мадда байқиған


2007-08-11
Share

Перу сақчилири йеқинда, қанунсиз йол билән чеградин киргүзүлгән балилар оюнчиғида химийилик зәһәрлик мадда байқиған .

Перу сәһийә орунлириниң тәкшүрүш нәтиҗисидин қариғанда, оюнчуқларда охшимиған химийилик зәһәрлик маддилар байқалған болуп, 60 тоннидин артуқ бу оюнчуқларниң һәммиси хитайда ясалған икән.

Перу сақчилириниң ашкарилишичә, оюнчуқлар хитайдин малайшия вә тәйвәнләр арқилиқ перуға елип келингән. Оюнчуқларға сахта бәлгүләр йәни хитайдин башқа дөләтләрдә ишләнгән маркилар чапланған.

Статискилиқ мәлуматларға қариғанда, хитайниң оюнчуқлири 2000 ‏- йили перу базириниң % 5 . 56 Ни игилигән болуп, нөвәттә % 1 . 78 Кә йәткән.

Бу арида хитай һөкүмәт даирилири өзлирини ақлап, хитайда ясалған оюнчуқларниң екиспорт қиммитиниң 7 милярд америка доллиридин ашидиғанлиқини, 160 дөләткә екиспорт қилинған оюнчуқларниң наһайити аз қисмида сүпәт мәсилиси көрилидиғанлқини билдүрди.

Мүтәхәсисисләр, хитай ясалған оюнчуқларда байқалған зәһәрлик маддилар, ялғуз хитайниң содидики абройиға тәсир йәткүзүпла қалмастин , бәлки нурғун дөләтләрдә балиларниң саламәтликигә еғир тәһдит елип келидиғанлиқини оттуриға қоюшмақта. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт