خىتايدا ئىشلەنگەن ئويۇنچۇقلارنى بازاردىن قايتۇرۇش ھەققىدە ئۈچىنچى قېتىم ئېلان چىقتى


2007-09-05
Share

ئاسىيا -تىنچ ئوكيان ھەمكارلىق تەشكىلاتى دۆلەتلىرى باشلىقلىرى يىغىندا، ئامېرىكا پرېزىدېنتى جورج بۇش بىلەن خىتاي رەئىسى خۇ جىنتاۋمۇ مۇھىم كونكرېت مەسىلىلەردە سۆزلىشىش ئالدىدا تۇرغاندا، ئامېرىكىنىڭ ماتتېل ئويۇنچۇق شىركىتى 9 ‏- ئاينىڭ 5 ‏- كۈنى ئۈچىنچى قېتىم بازاردىن قايتۇرۇلىدىغان ئويۇنچۇق تىزىملىكىنى ئېلان قىلدى.

بۇ قېتىم بازاردىن قايتۇرۇلىدىغان ئويۇنچۇق جەمئى 11 خىل بولۇپ، ئامېرىكا بازىرىغا سېلىنغان 530 مىڭ دانە، خەلقئارا بازارلىرىغا سېلىنغان 320 مىڭ دانىنى قوشقاندا جەمئى 850 مىڭ دانە. بۇنىڭ ھەممىسى ئىشلەتكەن ماتېرىياللارنىڭ تەركىبىدە قوغۇشۇن مىقدارى يۇقىرى بولغان ئويۇنچۇقلار.

بىرلەشمە ئاگېنتلىقىنىڭ خەۋەر قىلىشىچە، بۇنىڭدىن بۇرۇن ماتتېل ئويۇنچۇق شىركىتى ئىككى قېتىم ئويۇنچۇق يىغىۋېلىش ئېلانى چىقارغان ئىدى. 8 ‏- ئاينىڭ 8 ‏- كۈنى ئىككىنچى قېتىم ئېلان چىقارغاندا، بازاردىن قايتۇرۇلىدىغان ئويۇنچۇق سانى 21 مىليونغا يەتكەن ئىدى. بۇنىڭ %80 خىتاي شىركەتلىرىدە ئىشلەنگەن.

خەۋەردە بايان قىلىنىشىچە، خىتاي ھۆكۈمىتىنىڭ مەھسۇلات سۈپىتىنى تەكشۈرۈش باش ئىدارىسىنىڭ ئەمەلدارى ۋاڭ شىن بۇنىڭغا قارىتا ئىنكاس قايتۇرۇپ 'بىز بۇ توۋارلارنىڭ قايسىبىرى جۇڭگودا ئىشلەنگەنلىكىنى تەپسىلىي تەكشۈرىۋاتىمىز' دېگەن. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت