Хитайда ишләнгән оюнчуқларни базардин қайтуруш һәққидә үчинчи қетим елан чиқти


2007-09-05
Share

Асия -тинч окян һәмкарлиқ тәшкилати дөләтлири башлиқлири йиғинда, америка президенти җорҗ буш билән хитай рәиси ху җинтавму муһим конкрет мәсилиләрдә сөзлишиш алдида турғанда, америкиниң маттел оюнчуқ ширкити 9 ‏- айниң 5 ‏- күни үчинчи қетим базардин қайтурулидиған оюнчуқ тизимликини елан қилди.

Бу қетим базардин қайтурулидиған оюнчуқ җәми 11 хил болуп, америка базириға селинған 530 миң данә, хәлқара базарлириға селинған 320 миң данини қошқанда җәми 850 миң данә. Буниң һәммиси ишләткән материялларниң тәркибидә қоғушун миқдари юқири болған оюнчуқлар.

Бирләшмә агентлиқиниң хәвәр қилишичә, буниңдин бурун маттел оюнчуқ ширкити икки қетим оюнчуқ йиғивелиш елани чиқарған иди. 8 ‏- Айниң 8 ‏- күни иккинчи қетим елан чиқарғанда, базардин қайтурулидиған оюнчуқ сани 21 милйонға йәткән иди. Буниң %80 хитай ширкәтлиридә ишләнгән.

Хәвәрдә баян қилинишичә, хитай һөкүмитиниң мәһсулат сүпитини тәкшүрүш баш идарисиниң әмәлдари ваң шин буниңға қарита инкас қайтуруп 'биз бу товарларниң қайсибири җуңгода ишләнгәнликини тәпсилий тәкшүриватимиз' дегән. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт