Fransiye xitay sayahetchiliri qollanmisida siyasiy tüs alghan mesililerni tekitlimeslikni telep qildi


2007.01.04

Fransiye hökümiti sayahetchilik orgini teripidin chiqirilghan "xitay sayahetchiliri we sodigerliri qollanmisi" da tibet , teywen hemde tyen'enmin weqesi qatarliq siyasiy tüs alghan mesililerning otturigha chiqmasliqi alahide tekitlen'gen.

Amérika birleshme agéntliqining peyshenbe künidiki xewiride éytilishiche, "xitay sayahetchilirini qandaq qilghanda téximu yaxshi kütüwalghili bolidu?" dégen témidiki mezkür 65 betlik qollanmida sayahetchilerge " qandaq pikirlishish we qandaq soda qilish " heqqide yol körsitidighan pikirler körsitilgen bolup, siyasiy tüs alghan sezgür mesililerning otturigha chiqip qélishining aldini élish kérekliki telep qilin'ghan.

Bu arida fransiye kishilik hoquq we puqralarning hoquqi birleshmisining bayanatchisi, fransiye hökümitining bundaq teleplerni otturigha qoyushi intayin külkilik bir ish dep bildürdi. U sözide yene, xitayda "tyen'enmin weqesi" dégen atalghu alliqachan cheklen'gen , biraq , fransiye xitayning buyruqi buyiche ish qilmasliqi kérek idi" dédi. Amérika birleshme agéntliqining bildürüshiche, fransiyige kelgen xitay sayahetchilerning sani yildin ‏- yilgha köpeygen , 2006‏- yili fransiyige kelgen xitay sayahetchilerning sani 660 minggha yétidiken.

Xitayning fransiye bilen bolghan munasiwiti, bashqa yawrupa döletliri bilen bolghan munasiwitidin alahide yéqin bolup, fransiye yawrupa ittipaqining xitaygha qaratqan qoral imbargosini bikar qilish pikiride eng ching turuwatqan döletlerning biri hésablinidu. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.