Америка призидент намзатлири ташқи сиясәт үстидә муназирә елип барди


2004.10.01
Share on WhatsApp
Share on WhatsApp

Америка җумһурийәтчиләр партийиси призидент намзати җйорҗи буш билән димукратлар партийәси призидент намзати җон кәрий, пәйшәнбә күни телевизорда тунҗи қетим йүз туранә муназирә елип барди.

90 Минут давамлашқан муназирә ирақ мәсилиси, тероризимға қарши уруш, афғанистан вә америкиниң ички бихәтәрлик мәсилисигә даир темиларни чөридигән һалда елип берилди. Җон кәрий, буш әпәнди ирақ мәсилисидә америка хәлқини хата йолға башлиди дәп әйиплиди. Бирақ, җон кәрийниң тероризимға қарши уруштики мәйдани турақсиз дәп әйиплигән призидент буш, әгәр сиз тероризимға қарши урушта ғәлибә қилмақчи болсиңиз мәйданиңизни өзгәртмәсликиңиз керәк , бирақ у мәйданини өзгәртти дәп тәнқитлиди. Җон кәрий, призидент бушниң ираққа әскәр чиқириш һәркитини әйиплиди. Приздент бушниң ираққа әскәр чиқириш билән хаталашқанлиқини тәнқитлигән җон кәрий, әгәр сизниң тинчлиққа бәрпа қилиш пиланиңиз болмиса америкини урушқа сөрәп кирмәсликиңиз керәк дәп әскәртти.

Призидент буш болса ирақ һәркитини ақлап, ирақ мәсилисидә илгирләш һасил қилғанлиқини илгити сүрди. Бирақ намзатларниң һәр иккилиси , америка дуч келиватқан әң тәһдит қирғинчилиқ харәктирлик қоралларниң кеңийип кетиш хәвпи дәп қарайдиғанлиқини тәкитлиди.Уларниң һәр иккилиси йәнә призидент путин вә росийә вәзийити, суданниң дарфур раюнидики инсанпәрвәрлик кризисидин әндишә қиливатқанлиқини тилға алди. Шимали корийә мәсилисисдә җон кәрий, пйоңяң билән сөһбәт елип беришни тәшәббус қилди. Призидент буш, шимали корийә ядро мәсилисини һәл қилиш йолидики 6 дөләт сөһбәт мусаписини өзгәртиш чоң хаталиқ дәп көрсәтти. Америка призидент намзатлириниң муназириси флорида штатиниң мәйами шәһридә өткүзүлди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт