Amérika prizidént namzatliri tashqi siyaset üstide munazire élip bardi

Amérika jumhuriyetchiler partiyisi prizidént namzati jyorji bush bilen dimukratlar partiyesi prizidént namzati jon keriy, peyshenbe küni téléwizorda tunji qétim yüz turane munazire élip bardi.

90 Minut dawamlashqan munazire iraq mesilisi, térorizimgha qarshi urush, afghanistan we amérikining ichki bixeterlik mesilisige da'ir témilarni chöridigen halda élip bérildi. Jon keriy, bush ependi iraq mesiliside amérika xelqini xata yolgha bashlidi dep eyiplidi. Biraq, jon keriyning térorizimgha qarshi urushtiki meydani turaqsiz dep eyipligen prizidént bush, eger siz térorizimgha qarshi urushta ghelibe qilmaqchi bolsingiz meydaningizni özgertmeslikingiz kérek , biraq u meydanini özgertti dep tenqitlidi. Jon keriy, prizidént bushning iraqqa esker chiqirish herkitini eyiplidi. Prizdént bushning iraqqa esker chiqirish bilen xatalashqanliqini tenqitligen jon keriy, eger sizning tinchliqqa berpa qilish pilaningiz bolmisa amérikini urushqa sörep kirmeslikingiz kérek dep eskertti.

Prizidént bush bolsa iraq herkitini aqlap, iraq mesiliside ilgirlesh hasil qilghanliqini ilgiti sürdi. Biraq namzatlarning her ikkilisi , amérika duch kéliwatqan eng tehdit qirghinchiliq xarektirlik qorallarning kéngiyip kétish xewpi dep qaraydighanliqini tekitlidi.Ularning her ikkilisi yene prizidént putin we rosiye weziyiti, sudanning darfur rayunidiki insanperwerlik krizisidin endishe qiliwatqanliqini tilgha aldi. Shimali koriye mesilisisde jon keriy, pyongyang bilen söhbet élip bérishni teshebbus qildi. Prizidént bush, shimali koriye yadro mesilisini hel qilish yolidiki 6 dölet söhbet musapisini özgertish chong xataliq dep körsetti. Amérika prizidént namzatlirining munazirisi florida shtatining mey'ami shehride ötküzüldi. (Erkin)