Америка прездент намзатлири ахирқи муназирисини елип барди


2004-10-14
Share

Америка презденти җорҗ буш вә униң риқабәтчиси- димукратчилар партийисиниң прездент кандидати җон кәррий чаршәнбә күни кәчтә аризона шитатлиқ унверситетта бу қетимқи прездент сайлиминиң ахирқи қетимлиқ муназирисини елип барди.

Икки кандидат муназирисиниң муһим нуқтиси америкиниң дөләт ичидики мәсилилиригә мәркәзләшти. Америка хәлқи әң көңүл бөливатқан хизмәт пурсити вә саламәтлик суғуртиси мәсилисидә җон кәррий җорҗ бушни қаттиқ әйиплиди. У өткәнки нәччә он йилға селиштурғанда,өткәнки үч йилда америкидики ишсизлар саниниң әң көп болғанлиқини, буниңдин сирт бәш милйон америкилиқниң саламәтлик суғуртиси йоқлиқини көрсәтти.

Пиризидент буш болса буниңға рәддийә берип, җон кәррийниң пүтүн хәлқни саламәтлик суғуртиси билән тәминләш пиланиниң әмилийәткә уйғун кәлмәйдиғанлиқини, буни әмәлгә ашуруш үчүн дөләт малийисиниң зор чиқим төлиши керәкликини тәкитлиди.

Көчмәнләр сиясити вә чәтәллик ишчиларни ишлитиш мәсилисидә, җорҗ буш чәтәллик ишчиларға вақитлиқ хизмәт кинишкиси берип, қанунлуқ ишлишигә йол қоюш керәк дәп қарайдиғанлиқини бирақ қанунсиз көчмәнләрни кәчүрүм қилип, пуқралиққа елишқа қарши туридиғанлиқини билдүрди. Җон кәррий болса,қанунсиз көчмәнләрниң америкида бир нәччә йил ишлигәндин кийин, америка пуқралиқиға илтимас қилишиға йол қоюшни қоллайдиғанлиқини көрсәтти. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт