Amérika prézdént namzatliri axirqi munazirisini élip bardi


2004-10-14
Share

Amérika prézdénti jorj bush we uning riqabetchisi- dimukratchilar partiyisining prézdént kandidati jon kerriy charshenbe küni kechte arizona shitatliq unwérsitétta bu qétimqi prézdént saylimining axirqi qétimliq munazirisini élip bardi.

Ikki kandidat munazirisining muhim nuqtisi amérikining dölet ichidiki mesililirige merkezleshti. Amérika xelqi eng köngül böliwatqan xizmet pursiti we salametlik sughurtisi mesiliside jon kerriy jorj bushni qattiq eyiplidi. U ötkenki nechche on yilgha sélishturghanda,ötkenki üch yilda amérikidiki ishsizlar sanining eng köp bolghanliqini, buningdin sirt besh milyon amérikiliqning salametlik sughurtisi yoqliqini körsetti.

Pirizidént bush bolsa buninggha reddiye bérip, jon kerriyning pütün xelqni salametlik sughurtisi bilen teminlesh pilanining emiliyetke uyghun kelmeydighanliqini, buni emelge ashurush üchün dölet maliyisining zor chiqim tölishi kéreklikini tekitlidi.

Köchmenler siyasiti we chet'ellik ishchilarni ishlitish mesiliside, jorj bush chet'ellik ishchilargha waqitliq xizmet kinishkisi bérip, qanunluq ishlishige yol qoyush kérek dep qaraydighanliqini biraq qanunsiz köchmenlerni kechürüm qilip, puqraliqqa élishqa qarshi turidighanliqini bildürdi. Jon kerriy bolsa,qanunsiz köchmenlerning amérikida bir nechche yil ishligendin kiyin, amérika puqraliqigha iltimas qilishigha yol qoyushni qollaydighanliqini körsetti. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet