Ирақ парламентида шиәләрниң көп санлиқни игилиши пәрәз қилинмақта

Ирақта елип берилған парламент сайлиминиң аваз берилиш нәтиҗиси елан қилинидиған вақит йеқинлап қалди. Бирләшмә агентлиқиниң хәвәр қилишичә, һазир сайламда берилгән авазларниң әң ахирқи нәтиҗиси техи чиқмиған болсиму, әмма ташланған беләт әһвалиға қарап пәрәз қилинишичә, 275 кишилик ирақ дөләт парламинтида санниң йеримидин көпрақини шиәләрниң игәлләп кетиши еһтималға йеқин.

Куртларниң парламентта сан игиләш нисбити шиәләрдин қалса 2 - орунда туруши мумкин. 1 - Айниң 30 күни башланған ирақ парламент сайлими ирақта 50 йилдин буянқи вә садам һүсәййин 2003 - йили ағдурулғандин буянқи тунҗи қетимлиқ демократик сайлам болуп һесаплиниду.

Б б с ниң хәвиридә ейтилишичә, парламент сайлиминиң нәтиҗиси сүннийләрниң қаршилиқиға учриши мумкин. Ирақта һазирға қәдәр террорлуқ һуҗумлар бесилғини йоқ. 2 - Айниң 12 - күни бағдат шәһридики шиәләр олтурақлашқан бир мәһәллидә навай дуккининиң алдида нан сетивелиш үчүн өчирәт турған аһалиларни оққа тутуш вәқәси йүз бәргән, 9 адәм өлгән. Шу күни йәнә шиәләр олтурақлашқан мушайип дегән бир мәһәллидики дохтурханиниң темини аптомобил билән партлитиш вәқәси йүз бәргән, 17 адәм өлгән. (Вәли)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар