Mongghuliye yéngi prézidéntini tallashqa teyyarlanmaqta


2005.05.22

Xewerlerge qarighanda hazir mongghuliyide prézidént saylimi élip bérilmaqta. Amérika birleshme agéntliqining uchurigha qarighanda, sabiq mongghuliye xelq inqilabi partiyisining ezasi hésablan'ghan, parlamént bashliqi we sabiq bash ministir nambar énikhbayarning bashqa riqabetchilirini yéngish mumkinchiliki barliqi perez qilinmaqta. Bu ehwal démokratlar partiyisi we bashqa bir qanche partiyidin bolghan namzatlargha qiyinchiliq tughdurghan.

Ötken yili mongghuliyide parlamént saylimi élip bérilip, bir qatar qiyin mesililer hem talash-tartishlar kélip chiqqan bolup, öktichilerning hökümetke bolghan naraziliqi ashqan idi.

Küzetküchiler eger bu qétim kommunist éqimigha mensup xelq inqilabi partiyisining ezasi, démokratlar partiyisining namziti üstidin ghalip kélip, hakimiyetni igilise, bu ikki partiye arisidiki ixtilaplarning küchiyip kétishini perez qilmaqta.

Mongghuliye ilgiri siyasiy we iqtisadiy jehettin sowét ittipaqigha tayan'ghan memliket bolup, sowetler ittipaqi yimirilgendin kéyin, u dadil tashqi siyaset yürgüzdi shuningdek démokratik islahat élip bardi, biraq iqtisadning tereqqi qilmasliqi, qiyinchiliq, u jayda sabiq xelq inqilabi partiyisining tesirini bash kötergüzdi.

Nöwette, mongghuliye öktichiliri arisida xuddi ukra'iniye, gruziye we qirghizistandikige oxshash heqiqiy démokratiylishishni telep qilidighan heriketler mewjut bolmaqta. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.