Yawropa ittipaqi bélarustiki saylamni ölchemge toshmaydu dédi
2006.03.20
Yawropa bixeterlik hemkarliq teshkilatining saylam tekshürüsh xadimi düshenbe küni bélarustiki prézidént saylimini xelq'ara qobul qilalaydighan ölchemge yetmeydu dep körsetti.
Yawropa bixeterlik hemkarliq teshkilati yene, bu qétimliq saylamda körülgen belgilimige éghir xilapliq qilish hemde dölet hoquqidin qalaymiqan paydilinish ehwaligha a'it nurghun misallarni körsetti hemde hökümetning öktichi partiye qollighuchilirining herikitini eyiblidi.
Mezkur yawropa ittipaqi teshkilati yene, bu qétimliq saylamning bashtin- axir tehdit wehimisi astida élip bérilghanliqini bildürdi. Emma rusiyining saylam tekshürüsh xadimi bolsa bu saylamning adil élip bérilghanliqini körsetti.
Öktichi partiye namzati milinkéwich bu saylamgha hökümetning qol tiqqanliqini hemde lukashénkoning qayta prézidéntliqqa saylinishining qanunsiz ikenlikini bildürdi. Shundaqla milinkéwichning qollighuchiliri saylam axirlashqan yekshenbe küni kechte minsk shehiride keng kölemde namayish oyushturdi.
Aléksandir lukashénko prézidéntliq wezipisini ötigen 12 yildin buyan rusiye peres siyaset yürgüzgenliki bilen eyiblinip kelgen bolup, bu qétim uning üchinchi qarar prézidént bolushi hésablinidu. (Peride)