Uyghur baliliri rusiyining nowosibirsk shehiridiki sen'et féstiwalida netije qazandi

Igilishimizche yéqinda rusiyining ataqliq pen-téxnika shehiri nowosibirsk yeni yéngi sibiriye shehiride ötküzülgen ösmürlerning 3-nöwetlik xelq'araliq sen'et musabiqisige Uyghur aptonom rayonining balilar wekili süpitide bir guruppa ösmür qatnashqan.

Ürümchi kechlik gézitining xewirige asaslan'ghanda, mezkur musabiqide Uyghur éli ömiki eng yaxshi teshkillesh mukapatigha hemde 1- derijilik tembur chélish mukapatigha érishken. Bulardin bashqa yene balilar usuli, balilarning saz chélish maharetlirimu mukapatlargha sazawer bolghan.

On neper ösmürdin terkip tapqan Uyghur éli ömiki 3-iyul küni ghelibilik halda ürümchige qaytip kelgen bolup, bu qétimqi musabiqige rusiye, qazaqistan, mongghuliye we bashqa bir qisim musteqil döletler hemdostluqi ellirining 300 ge yéqin ösmür sen'etkari ishtirak qilghan. Bularning ichide Uyghur ösmürliri yaxshi netije qazan'ghan.

Rusiyining altay ölkisi we altay jumhuriyiti hemde nowosibirsk shehiri Uyghur éligha eng yéqin jaylar bolghanliqi üchün , bu jaylarning Uyghur éli bilen biwasite soda-iqtisad hem medeniyet alaqiliri élip bérishi qoyuqlashqan.(Ümidwar)