Шаңхәй һәмкарлиқ тәшкилати зәһәрлик чикимлик содисиға зәрбә бәрмәкчи

Шаңхәй һәмкарлиқ тәшкилати дөләт вә һөкүмәт башлиқлар йеғиниға саһипханлиқ қилиш үчүн тәйярлиниватқан хитай һөкүмити, дүшәнбә күни оттура асия дөләтлириниң зәһәрлик чекимликниң афғанистандин керишиниң алдини елиш үчүн, бир қоғдиниш системиси қурушни пиланлаватқанлиқини билдүрди.

Хитай ташқи ишлар ярдәмчиси минстири ли хуй бейҗиңда өткүзгән мухбирларни күтүвилиш йеғинида, асасән афғанистандин келиватқан зәһәрлик чекимлик, оттура асияниң иҗтимаий муқимлиқиға һәмдә районниң бихәтәрликигә тәһдит қиливатиду. Афғанистан террорчилиқ вә диний әсәбийликни мәбләғ билән тәминләватқан әң муһим мәнбәләрниң бери һесаблиниду, деди.

Шаңхәй һәмкарлиқ тәшкилатиға әза болған хитай, русийә, қазақистан, қирғизистан, таҗикистан вә үзбекистанниң дөләт башлиқлири, 15‏-июн күни шаңхәйдә учришип, қурулғанлиқиға бәш йил болған шаңхәй һәмкарлиқ тәшкилатиниң киләчәк пиланлири үстидә сөһбәтлишиду.

Сиясий мулаһизичиләрниң билдүрүшичә, шаңхәй һәмкарлиқ тәшкилати дөләт башлиқилири, бундин бурунқи алий дәриҗилик учришишилардикигә охшаш , асасән бихәтәрлик мәсилилирини музакирә қилииду. Әмма йеңи хәвәрләргә асасланғанда, зәһәрлик чекимлик вә әйдиз қатарлиқ мәсилиләр бу қетимқи учришишниң муһим темилирини тәшкилләйдикән. (Қанат)