Shangxey hemkarliq teshkilati rehberliri " tinchliq burchi2007 " herbiy manéwirini közdin kechürdi


2007.08.17

Shangxey hemkarliq teshkilatidiki döletler rehberliri peyshenbe küni bishkektiki bir künlük yighinini axirlashturghandin kéyin, jüme küni rusiyining chélyabinski rayonigha kélip, bu jayda ötküzülüwatqan " tinchliq burchi 2007," namliq herbiy manéwirni közdin kechürdi. Bu manéwir asasliqi xitay we rusiye qisimliri teripidin élip bérilghan bolsimu, lékin shangxey hemkarliq guruhidiki döletler bir qeder teltöküs hazir bolghan manéwirlarning biri bolup hésablinidu.

Rusiye prézidénti wladimir putin, xitay dölet re'isi xu jintaw we ottura asiyadiki 4 sabiq sowét ittipaqi jumhuriyitining rehberliri jüme küni tanka, bronéwik, ayropilan we tik uchar hem piyade qisimlar bolup 6 ming kishilik qoshunning herbiy manéwirini kördi. Manéwirning mezmuni melum bir dölettiki atalmish qorallar térrorchilar, yene bir döletning shimalidiki chégra rayonlarda pa'aliyet élip baridighan xelq'ara térrorchi küchler bilen birliship, yerlik xelqni hökümetke qarshi küshkürtüsh weqeside, birleshme qisimlarning atalmish térrorchilargha zerbe bérish herkitini téma qilghan.

Manéwirgha qatnishiwatqan terepler hazirghiche manéwirda kimge heywe körsetmekchi boluwatqanliqini ashkare tilgha almighan bolsimu, lékin bezi analizchilar manéwirning mezmuni yuqiri derijilik bir xitay emeldarining yéqinda sherqiy türkistan térrorchi küchliri junggo chégrisi we uning etrapidiki rayonlarda pa'aliyet élip barmaqta, dégen sözliri bilen birdekliki barliqini bildürmekte. Shangxey guruhidiki döletler rehberliri chilyabinskiydiki manéwirni közdin kechürüshtin bir kün burun qirghizistanda qoshma axbarat élan qilip, amérikini ottura asiya rayonidin yiraq turushqa agahlandurdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.