Sh h t pakistanni közetküchi salahiyitide qobul qilishni muzakire qilmaqta
2005.05.26
Shangxey hemkarliq teshkilatigha eza döletler tashqi ishlar ministirlirining yilliq yighini 4 - iyun küni qazaqistanning alma'ata shehiride échilidu. Buning harpisida, xitay hökümiti, mezkur teshkilatning pakisitanning közetküchi salahiyiti bilen qatnishish telipini muzakire qiliwatqanliqini bildürdi.
Xitay tashqi ishlar ministirliqining bayanatchisi kung chü'en bayanatida, " biz shangxey hemkarliq teshkilatining küntertibi boyiche, pakistanni qobul qilish mesiliside tézrek qarar élishni ümid qilimiz" - dédi.
Shangxey hemkarliq teshkilati 2001 - yili chégra bixeterlikini qoghdash namida qurulghandin boyan, özlüksiz kéngiyishke intilmekte. Hazir xitay, rusiye, qazaqistan, qirghizistan, özbekistan we tajikistanlar uning ezasi bolup, ötken yili mongghuliye küzetküchi salahiyiti bilen uninggha qatnashqan idi. Bu teshkilatning pa'aliyet da'irisimu barghansiri herbiy heriketlerge kéngeymekte.
Shinxu'a agéntliqining xewiridin ashkarilinishiche, xitay hökümiti nöwette öz ittipaqdishi bolghan pakistanni bu teshkilatqa kirgüzüshni ümid qilmaqta. (Arzu)