Amérika shimaliy koriyini yadro qoralliri mesiliside agahlandurdi

• 
  2006-10-05

Amérika, shimaliy koriye yadro qoralliri siniqi mesili'isdiki meydanini yene bir qétim ochuq ipadilesh bilen birge shimaliy koriyini mezkür sinaqni élip barmasliqqa agahlandurdi.

Amérikida "shimaliy koriyning yadro qoralliri mesilisi 6 terep söhbiti" ötküzülüwatqan bir peytte, amérika tashqi ishlar yardemchi ministiri kiristofér héll nahayiti ochuq qilip" amérika terep, shimaliy koriyini yadro qoralliri siniqi élip barmasliqqa agahlanduridu" dédi.

Amérika birleshme agéntliqi 5 ‏- öktebir küni, kiristofér héllning sözini neqil keltürüp": amérika, shimaliy koriyining yadro qorallirigha ige bolushini qet'iy xalimaydu" dep körsetti.

Shimaliy koriye da'iriliri, seyshenbe küni özlirining yadro qoralliri siniqi élip baridighanliqini bildürüp, amérikining buninggha tutqan pozitsiyisini küzetken, emma shimaliy koriye yadro siniqini qandaq chaghda élip baridighanliqi heqqide éniq ipade bildürmigen idi.

Aq saray yene" : amérika pyongyanggha hujum qilmaydu " dep tekitlep, " eger, shimaliy koriye yadro qoralliri pilanini bikar qilsa, ghayet zor iqtisad we tashqi diplomatiye menpe'etlirige ige bolidu" dédi.