Америка, шимали корийини сөһбәт үстилигә қайтип келишкә зорлимайду


2005.02.15
Share on WhatsApp
Share on WhatsApp

Америка, шимали корийини иқтисади ярдәм бериш вәдиси билән ядро қораллар сөһбәт өстилигә қайтуруп келиш иһтималлиқиниң барлиқини чәткә қеқип, шимали корийиниң қанунсиз һәрикәтлирини йеқиндин күзитиватқанлиқини билдүрди.

Америка ташқи ишлар министирлиқиниң баянатчиси ричард бавчерниң ашкарилишичә, ташқи ишлар министири кондилиза райис билән җәнубий корийә ташқи ишлар министири бан ки- мун, "сөһбәткә қийинчилиқ туғдурған шималий корийә, иқтисади ярдәм билән мукапатланмаслиқи керәк" дегән тонушқа кәлгән.

Ричард бавчер, америка бихәтәрлик органлириниң башқа дөләтләр билән бирлишип, шимали корийиниң хәлқарадики қанунсиз паалийәтлирини тәқип қиливатқанлиқини ашкарилиди. Бавчерниң билдүрүшичә, америка шимали корийиниң зәһәрлик чекимлик, әткәсчилик шундақла қирғинчилиқ характерлик қораллар техникисини сетиш җәһәттики паалийитини назарәт астиға алған.

Ақ сарайниң баянатчиси микклилан, мухбирларниң асиядики иттипақдашлар билән бирлишип, шимали корийигә қарши туруш үчүн тәйярлиқ көривамсиләр, дигән суалға җавап бәрмиди. Амма у әскәртип, "бизниң иттипақдашлиримизни қоғдаш мәсулийитимиз бар," дәп көрсәтти.

Җәнубий корийә ташқи ишлар министири бан ки- мун, дүшәнбә күни вашингтонда шималий корийини "хәлқара җәмийәтниң мәсулийәтчан әзаси болуш" қа чақирған. Шимали корийә өткән пәйшәнбә күни ядро қораллар мәсилиси бойичә көп тәрәплимилик сөһбәттин чекинип чиққанлиқини елан қилған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт