Amérika, shimali koriyini söhbet üstilige qaytip kélishke zorlimaydu


2005.02.15
Share on WhatsApp
Share on WhatsApp

Amérika, shimali koriyini iqtisadi yardem bérish wedisi bilen yadro qorallar söhbet östilige qayturup kélish ihtimalliqining barliqini chetke qéqip, shimali koriyining qanunsiz heriketlirini yéqindin küzitiwatqanliqini bildürdi.

Amérika tashqi ishlar ministirliqining bayanatchisi richard bawchérning ashkarilishiche, tashqi ishlar ministiri kondiliza rayis bilen jenubiy koriye tashqi ishlar ministiri ban ki- mun, "söhbetke qiyinchiliq tughdurghan shimaliy koriye, iqtisadi yardem bilen mukapatlanmasliqi kérek" dégen tonushqa kelgen.

Richard bawchér, amérika bixeterlik organlirining bashqa döletler bilen birliship, shimali koriyining xelq'aradiki qanunsiz pa'aliyetlirini teqip qiliwatqanliqini ashkarilidi. Bawchérning bildürüshiche, amérika shimali koriyining zeherlik chékimlik, etkeschilik shundaqla qirghinchiliq xaraktérlik qorallar téxnikisini sétish jehettiki pa'aliyitini nazaret astigha alghan.

Aq sarayning bayanatchisi mikklilan, muxbirlarning asiyadiki ittipaqdashlar bilen birliship, shimali koriyige qarshi turush üchün teyyarliq köriwamsiler, digen su'algha jawap bermidi. Amma u eskertip, "bizning ittipaqdashlirimizni qoghdash mes'uliyitimiz bar," dep körsetti.

Jenubiy koriye tashqi ishlar ministiri ban ki- mun, düshenbe küni washin'gtonda shimaliy koriyini "xelq'ara jem'iyetning mes'uliyetchan ezasi bolush" qa chaqirghan. Shimali koriye ötken peyshenbe küni yadro qorallar mesilisi boyiche köp tereplimilik söhbettin chékinip chiqqanliqini élan qilghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.