Wang jyaruyning pyongyangdiki diplomatik pa'aliyiti " timtas we jiddi" dawamlishiwatidu


2005-02-21
Share

Xitay kompartiyisining pyongyanggha yollighan yuqiri derijilik emeldarining shimali koriyini yadro qorallar söhbet üstilige qayturup kélish yolidiki diplomatik pa'aliyiti timtas we jiddi élip bériliwatidu.

Kompartiye merkizi komitéti tashqi munasiwetler bölümining bashliqi wang jyaruyning shimali koriyidiki ziyariti shenbe küni bashlan'ghan. Xitay kompartiyisining zuwani "xelq géziti", wang jyaruyning hepte axiri shimali koriye rehbiri kim jung - il bilen uchrishidighanliqini bildürgen idi. Biraq hazirghiche her ikkila terep kim jung - il bilen ötküzülgen söhbet toghrisida héchqandaq uchur élan qilmidi.

Birleshme axbarat agéntliqi, xitay tashqi ishlar ministirliqi shundaqla xitay kompartiyisi axbarat bayanatchilirining düshenbe küni wangning ziyariti heqqide toxtalmighanliqini xewer qilghan.

Xitay we shimali koriye metbu'atlirining xewer qilishiche, wang jyaruy yekshenbe küni shimali koriye hökümitidiki 2 - nomurluq erbap kim yong nam bilen söhbet élip barghan. Rusiye axbarat agéntliqi "tass", kim yong nam bilen wang jyaruyning söhbiti 3 sa'et dawamlashqanliqini xewer qildi. "Tass" ning bildürüshiche, pyongyangdiki chet'ellik közetküchiler " terepler otturisidiki ixtilapning intayin chongqurluqini" tekitligen. Bu arida düshenbe küni yaponiye ichki kabint sékritari xosada, amérika, yaponiye we jenubiy koriyilerning pat arida shimali koriye yadro qorallar mesilisi boyiche 3 terep yighini chaqiridighanliqini élan qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet