Корийини ядро қораллар сөһбәт үстилигә қайтуруп келиш сөһбити илгирләшкә еришәлмиди


2005-03-25
Share

Хитай даирилириниң ашкарилишичә, хитайни зиярәт қилған шимали корийә баш министири пак пуң җу билән хитай рәһбәрлириниң шимали корийини ядро қораллар мәсилиси бойичә көп тәрәплимилик сөһбәт өстилигә қайтуруп келиш сөһбити һечқандақ илгирләшкә еришәлмигән.

Хитай ташқи ишлар министирлиқиниң баянатчиси лю җйәнчав, сөһбәтни қачан башлаш мәсилисидә һечқандақ илгирләш болмиди, дәп көрсәтти. Бирақ у, пикир алмаштуруш сөһбәтни әслигә кәлтүрүшкә пайдилиқ, дәп қарайдиғанлиқини тәкитлигән. Пак пуң җуниң хитайда елип барған зиярити сәйшәнбә күни башланди. У зиярәт җәрянида хитай дөләт рәиси ху җинтав, баш министир вен җябав қатарлиқ юқири дәриҗилик хитай рәһбәрләр билән сөһбәт елип барған.

Лю җйәнчав, хитай рәһбәрлириниң пак пуң җуға "хитай тәрәпниң корийә йерим арилидики ядро қораллар мәсилисигә тутқан мәйдани, америкини өз ичигә алған һәр қайси тәрәпләрниң ядро қораллар мәсилиси бойичә елип барған сөһбәт әһвали шундақла һәр қайси тәрәпләрниң көз қаришини уқтурғанлиқини" билдүрди.

Шинхуа ахбарат агентлиқи, пак пуң җуниң "әгәр буниңдин кейин сөһбәт елип бериш шәрт - шараити пишип йетилсә, шималий корийә 6 тәрәп сөһбитигә қатнишишни халайду," дегәнликини хәвәр қилди. Лю җйәнчавниң ашкарилишичә, хитай дөләт рәиси ху җинтав шимали корийә даирилириниң тәклипи бойичә пйоңяңни зиярәт қилишни ойлашмақтикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт