ئامېرىكا ۋە ياپونىيە، شىمالىي كورىيىنى ئاتوم بومبا سىنىقى ئېلىپ بارماسلىق ھەققىدە ئاگاھلاندۇردى


2005-05-16
Share

شىمالىي ۋە جەنۇبىي كورىيىنىڭ يۇقىرى دەرىجىلىك ئەمەلدارلىرى 10 ئايدىن بۇيانقى تۈنجى قېتىملىق سۆھبىتىنى ئېلىپ بېرىپ، شىمالىي كورىيە يادرو مەسىلىسىنى ھەل قىلىش يولىدىكى ئالتە تەرەپ سۆھبىتىنى ئەسلىگە كەلتۈرۈشكە ئۈمىد تۇغدۇردى.

فرانسىيە ئاخبارات ئاگېنتلىقىنىڭ خەۋىرىگە قارىغاندا، ئامېرىكا ۋە جەنۇبىي كورىيە ئەمەلدارلىرى شىمالىي كورىيىنىڭ بۇ ئىپادىسىگە بىر تەرەپتىن رىغبەتلەنسە، يەنە بىر تەرەپتىن ئىھتىيات قىلماقتا ئىكەن. چۈنكى شىمالىي كورىيە دائىم ئامېرىكا ۋە جەنۇبىي كورىيە ئارىسىدا ئويۇن ئويناپ، ئۆزىنىڭ سۆھبەتتىكى ئورنىنى كۆتۈرۈشكە ئۇرۇنۇپ كەلمەكتە.

ئامېرىكا تەرەپ، بۇ قېتىم شىمالىي كورىيە مەسىلىسىدىكى ئالتە تەرەپ سۆھبىتىنىڭ ئەسلىگە كېلىپ، ھەققىي بىر نەتىجىسىنى كۆرۈشنى ئۈمىد قىلماقتا ئىكەن.

بۇنىڭ ئالدىدىلا، ئامېرىكا ۋە ياپونىيە، شىمالىي كورىيىنى ئاگاھلاندۇرۇپ، ئەگەر شىمالىي كورىيە ئاتوم بومبىسى سىنىقى ئېلىپ بارسا، بۇ ئىككى دۆلەتنىڭ ئۇنىڭغا جازا يۈرگۈزىدىغانلىقىنى بىلدۈرگەن. ھالبۇكى شىمالىي كورىيە، ھەر قانداق شەكىلدىكى جازانى ئۇرۇش ئېلان قىلغانلىقنىڭ ئىپادىسى دەپ قارايدىغانلىقىنى كۆرسەتمەكتە.

ئامېرىكا دائىرىلىرىنىڭ بىلدۈرۈشىچە، چارلىغۇچى سۈنئىي ھەمرالاردىن تارتىلغان سۈرئەتلەرگە ئاساسلانغاندا، شىمالىي كورىيىنىڭ دېڭىز بويىدىكى جىجۇۋ شەھىرىدە ئاتوم بومبىسى سىنىقىغا تەييارلىق كۆرىۋاتقاندەك گۇمانلىق پائالىيەتلەر ئېلىپ بېرىلماقتا ئىكەن. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت