Amérika we yaponiye, shimaliy koriyini atom bomba siniqi élip barmasliq heqqide agahlandurdi


2005-05-16
Share

Shimaliy we jenubiy koriyining yuqiri derijilik emeldarliri 10 aydin buyanqi tünji qétimliq söhbitini élip bérip, shimaliy koriye yadro mesilisini hel qilish yolidiki alte terep söhbitini eslige keltürüshke ümid tughdurdi.

Fransiye axbarat agéntliqining xewirige qarighanda, amérika we jenubiy koriye emeldarliri shimaliy koriyining bu ipadisige bir tereptin righbetlense, yene bir tereptin ihtiyat qilmaqta iken. Chünki shimaliy koriye da'im amérika we jenubiy koriye arisida oyun oynap, özining söhbettiki ornini kötürüshke urunup kelmekte.

Amérika terep, bu qétim shimaliy koriye mesilisidiki alte terep söhbitining eslige kélip, heqqiy bir netijisini körüshni ümid qilmaqta iken.

Buning aldidila, amérika we yaponiye, shimaliy koriyini agahlandurup, eger shimaliy koriye atom bombisi siniqi élip barsa, bu ikki döletning uninggha jaza yürgüzidighanliqini bildürgen. Halbuki shimaliy koriye, her qandaq shekildiki jazani urush élan qilghanliqning ipadisi dep qaraydighanliqini körsetmekte.

Amérika da'irilirining bildürüshiche, charlighuchi sün'iy hemralardin tartilghan sür'etlerge asaslan'ghanda, shimaliy koriyining déngiz boyidiki jijuw shehiride atom bombisi siniqigha teyyarliq köriwatqandek gumanliq pa'aliyetler élip bérilmaqta iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet