Shimaliy koriye üchün pul aqlighan awméndiki bir xitay bankisi tekshürülmekte

Amérika da'iriliri awméndiki délta asiya maliye guruhigha qarashliq délta asiya bankisini shimaliy koriye yadro qorallar pilanini meblegh bilen teminligenliki sewebidin tekshürüshke bashlidi.

Birleshme axbarat agéntliqining ashkarilishiche, amérika maliye ministirliqi délta asiya bankisini qara pul aqlaydighan xelq'ara pul - mu'amile organliri tizimlikige kirgüzgen. Shuning bilen birge amérika, jonggo bankisi we awmén zéng xéng bankisining shimaliy koriye yadro qorallar pilanini meblegh bilen teminlesh setchiliki bilen alaqisi bar - yoqliqini tekshürmektiken.

Amérika metbu'atlirining xewer qilishiche, délta asiya bankisining zeherlik chékimlik sodisi bilen shughullinidighan shimaliy koriye jinayetchi guruhlar bilen alaqisi bolushi mumkin.

Emma xitayning hökümet zuwani shinxu'a axbarat agéntliqining xewer qilishiche, délta asiya bankisi shimaliy koriye yadro qorallar pilani bilen alaqisi barliqini ret qilghan.

Shinxu'a axbarat agéntliqi, délta asiya maliye guruhining yuqiri derijilik emeldari wang key fénning buninggha “heyran qalghan” liqini yazdi.

Bir xitay bankisining shimaliy koriye yadro qorallar pilanini meblegh bilen teminlesh setchiliki, xitay hökümiti béyjingda shimaliy koriye yadro qorallar mesilisi boyiche 6 dölet söhbitige sahipxanliq qiliwatqan bir mezgilge toghra keldi. (Erkin)