Shimaliy koriye yadro qorallardin waz kéchish wedisige yéngi shert qoshti

Shimaliy koriye yadro qorallardin waz kéchidighanliqini jakarlap bir kün ötmeyla, yadro qorallardin waz kéchish toghrisida yéngi shert qoydi.

Shimaliy koriye da'iriliri, seyshenbe küni tinch meqsetler üchün ishlitidighan yadro ri'aktor qazinigha érishelmise, pyongyangning yadro qorallar pilanidin waz kechmeydighanliqini jakarlidi.

Shimaliy koriye radi'o istansisining seyshenbe küni xewer qilishiche, shimaliy koriye da'iriliri yadro énérgiyisidin tinch meqsetler üchün paydilinish hoquqi barliqini eskertip, "eger amérika yadro ri'aktor qazini bilen teminlimey turup shimaliy koriyini yadro qorallar pilanidin waz kechürümiz dése, bu uning chüshi," dep tekitligen.

Shimaliy koriye buningdin bir kün ilgiri béyjingda yadro qorallar pilanidin waz kechkenliki toghrisida 6 dölet axbaratigha qol qoyghan idi.

Shimaliy koriyining bayanatigha yaponiye téz inkas qayturdi. Yaponiye tashqi ishlar ministiri machimuru, " shimaliy koriyining telipi qobul qilinmaydu," dédi.

Amérika tashqi ishlar ministirliqining bayanatchisi mékkormak, shimaliy koriyining telipini "6 dölet axbaratining rohigha xilap," dep körsetti. Mékkormakning tekitlishiche, amérika weziyetni diqqet bilen küzütidiken. Xitay tashqi ishlar ministirliqining bayanatchisi, tereplerni öz wediside turushqa chaqirdi. (Erkin)