Шималий корийә америкидин исраилийигә охшаш имтияз беришни тәләп қилди


2005.10.23
Share on WhatsApp
Share on WhatsApp

Шималий корийә йәкшәнбә күни америка һөкүмитигә йеңи тәләплирини қоюп, америка һөкүмитиниң шималий корийигә исраилийигә охшаш имтиязлирини беришни тәләп қилди.

Шималий корийиниң һөкүмәт гезити болған "әмгәк хәвири" бу һәқтә елан қилған баш мақалисида, америкини шималий корийә билән исраилийигә икки хил өлчәм қойған дәп әйибләп, "америка ядро тәрәққият мәсилисидә, исраилийигә ян басти һәтта униң билән һәмкарлашти. Шималий корийә буни қобул қилмайду һәмдә америкиниң ядро мәсилисигә икки хил өлчәм тутушиға йол қоймайду" дәп язған.

Мақалида йәнә, исраилийиниң хәлқара ядро қораллирини кеңәйтмәслик шәртнамисиға хилап һалда, ядро қораллирини мәхпий сақлаватқанлиқи, исраилийиниң иттипақдиши болған америкиниң, шималий корийигә исраилийигә охшаш муамилә қилиши керәклики йезилған.

Шималий корийә ядро мәсилисини һәл қилиш мәқситидә елип бериливатқан 6 дөләт сөһбитиниң давами келәр һәптә бейҗиңда ечилишқа бекитилгән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.