Amérika shimaliy koriyini bashqurulidighan bomba siniqi heqqide agahlandurdi


2006.06.20
Share on WhatsApp
Share on WhatsApp

Amérika tashqiy ishlar ministiri kondiliza rayis shimaliy koriyini agahlandurup, eger pyongyang uzun musapiliq bashqurulidighan bomba siniqi élip barsa éghir aqiwetke qélishi qélishi mumkin, dep körsetti. U, düshenbe küni shimaliy koriyining her qachan qit'eler ara uchudighan balistik bashqurulidighan bomba siniqi élip bérish mumkinchiliki barliqi üstide toxtilip, " shimaliy koriye bashqurulidighan bomba siniqi élip bérishni qarar qilsa , bu nahayiti éghir bir weqe we buzghunchiliq herikiti bolup hésablinidu" deydu.

Amérika, yaponiye, jenubiy koriye, awstraliye qatarliq döletler pyongyangni bashqurulidighan bomba siniqi élip bérishtin waz kéchishke qistimaqta. Xitay bolsa shimaliy koriyining bashqurulidighan bomba siniqi élip baridighanliqi hazirche ispatlanmighan " bir qiyas" dep tekitligen. Eger pyongyang bashqurulidighan bomba siniqi élip barsa amérika b d t xewpsizlik kéngishini shimaliy koriyige qarshi heriket qollinishqa chaqirishi mumkin.

Yaponiye bash ministiri koyzumi, bu ehwalda yaponiyining pyongyanggha shiddetlik inkas qayturidighanliqini bildürdi. Lékin, shimaliy koriye seyshenbe küni amérikining agahlandurushini ret qilip, " bu hoquqimizni héchkimning tartiwélish heqqi yoq" dep jakarlighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.