Bush bilen koyzumi birlikte shimaliy koriyige uzun musapiliq bashqurulidighan bomba sinaq qilish mesiliside agahlandurush berdi


2006.06.30
Share on WhatsApp
Share on WhatsApp

Birleshme agéntliqining xewer qilishiche, amérika prézidénti jorji bush bilen yaponiye bash ministiri koyzumi peyshenbe küni aqsarayda uchriship köp témida söhbet ötküzgendin kéyin, bu ikki rehber birlikte muxbirlar yighinida shimaliy koriyini agahlandurup " biz her ikkimiz shimaliy koriyining uzun musapiliq bashqurulidighan bomba sinaq qilghanliqigha jiddiy mu'amile qilimiz, meyli néme bolushidin qet'iy nezer, shimaliy koriyining bundaq uzun musapiliq bashqurulidighan bombini sinaq qilidighan her qandaq pilani bolmasliqi kérek" , "bundaq pilan qobul qilinmaydu" , "shimaliy koriyining rehbiri bolghan kishi pütün dunyada yétim qilish yaki dunyaning ishlirigha bir dölet qatarida aktip qatnishishtin ibaret ikki yolning birini tallishi kérek" dédi.

Yaponiye bash minisitiri koyzumi sözide "pingyong amérika chong quruqluqigha yétip baralaydighan tapodong ‏-2 belgilik uzun musapiliq bashqurilidighan bomba sinaq qilghanliqi üchün herxil bésimgha duch kélishi mumkin, eng yaxshisi ular duch kélidighan qattiq bésimlarning mezmuni heqqide hazirche éghiz achmay turayli" dédi.

B b s ning xewer qilishiche, amérika prézidénti jorji bush bilen yaponiye bash minisitiri junishiro koyzumi bu qétim pingyongning uzun musapiliq bashturulidighan bomba sinaq qilghanliqi mesilisila emes, yaponiyining amérikidin kala goshi import qilish mesilisi we iraq, afghanistan mesililirinimu muzakire qildi. Bu ikki rehberning birleshme bayanatida "xitayning bash kötürüp chiqishi mesiliside amérika bilen yaponiye sherqiy asiyaning tinchliqi we bixeterlikini qoghdash üchün aktip hemkarlishidu" déyilgen. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet