Amérika elchisi xitaygha bérip shimali koriye kirzisini hel qilish üchün muzakire bashlidi

Birleshme agéntliqining béyjingdin xewer qilishiche, amérika tashqi ishlar ministirining yardemchisi kristofér xill jüme küni béyjingge bérip, shimali koriyining bashqurulidighan bomba sinaq qilish mesiliside, xelq'ara jem'iyet birlikte heriket qilip rayon xarektirliq tinchliqni saqlash üchün muzakire bashlidi.

Amérika kalindari buyiche 7 ‏- ayning 4 ‏- küni, xelq'ara jem'iyet shimali koriyining uda 7 qétim bashqurulidighan bomba sinaq qilghanliqini birdek eyiplighandin kéyin, birleshken döletler teshkilati shimali koriye toghrisida yaponiye otturigha qoyghan en'giliye, fransiye, amérika qollighan bir layihini muzakire qilghan bolsimu, emma bu heqte qarar maqollanmighan idi.

B b s ning xewer qilishiche, bögün béyjingde 6 terep söhbitining wekilliri öz -ra sözlishishke bashlighan. Melum bolushiche, yaponiye shimali koriyini jazalashni teshebus qilidu. Amérika yaponiyining teshebbusini qollaydu. Xitay shimali koriyini jazalashqa qarshi turidu. Jenubiy koriyimu shimali koriyini jazlashqa qoshulmaydu, emma hazirqi weziyette shimali koriyige mal yötkeshni toxtidighanliqini jakarlighan. Shimali koriye bolsa eger yaponiyining jazalash tedbiri emeldin qaldurulmisa, téximu qattiq tedbir qollunidighanliqini bildürmekte. Awstraliye bolsa shimali koriyining bashqurulidighan bomba sinaq qilghanliqini "ighwagerchilik" dep qarap, uning bilen bolghan déplomatiyini azaytish arqiliq qarshiliq ipadilimekte. Rusiyining pikri bögün téxi éniq emes. (Weli)