Amérika shimaliy koriyining hemkarlishishni ret qilghanliqini eyiblidi

Xitayda ziyarette boluwatqan amérikining shimaliy koriye yadro ishliridiki elchisi shimaliy koriyining her qaysi döletlerning teklipini ret qilip, yadro kirizisini hel qilish jehettiki hemkarliqlargha aktip inkas qayturmighanliqini eyiblidi.

Amérika yardemchi tashqi ishlar ministiri kristofér xill béyjingda, xitay hökümitiningmu shimaliy koriye yadro kirizisini hel qilish üchün tirishchanliq körsitiwatqanliqini éytip," xitaymu küchewatidu, biz hemmimiz küchewatimiz. Epsus peqet shimaliy koriyela héchqandaq tirishchanliq körsetmeywatidu" dédi.

Kristofér xill buning aldida ,amérikining xitay bilen birlikte bu mesilini hel qilidighan bir déplomatik yolni tépip chiqishni ümid qilidighanliqini éytqan idi. U yene ,yaponiyining birleshken döletler teshkilatigha shimaliy koriyige jaza qollinidighan bir parche qarar layihisini sunush teklipini qollidi.

Bu layihini qollaydighan döletler aldi bilen xitayning déplomatik yol arqiliq shimaliy koriyini gepke kirgüzüshini kütkechke, bu layihige bélet tashlash waqtini keynige sürüp keldi. Bu layihini otturigha qoyghan yaponiye, "nawada xitay da'iriliri aran shimaliy koriyini 6 dölet söhbitige qaytishqila köndürelise, u halda yaponiye bu qararda ching turidu" dédi. (Peride)