Японийә пйоңяңға қарши имбарго мәсилисини хәвпсизлик кеңишидә авазға қоюшни чақириқ қилди

японийә шималий корийиниң йеқинда башқурулидиған бомба синиқи елип барғанлиқи сәвәбидин хәвпсизлик кеңишигә сунған пйоңяңға имбарго қоюш тәклипини хәвпсизлик кеңишидә тезрақ авазға қоюшни тәләп қилди. японийә ташқий ишлар министири тару асу, бу мәсилисиниң русийидә чақирилидиған 8 дөләт башлиқлар йиғини башлиништин бурун авазға қоюлушни үмид қилған.

японийиниң тәклип лайиһиси америка, франсийә вә әнгилийиләрниң қоллишиға еришмәктә. Лекин җуңго японийиниң тәклип лайиһиси авазға қоюлса, рәт қилиш һоқуқи қоллинидиғанлиқини агаһландурди вә русийә билән бирлишип, тәләппузи юмшақрақ бир тәклип лайиһиси мақуллашни қоллимақта. японийиниң тәклип лайиһиси б д т низамнамисиниң 7 - маддиси буйичә имбарго қоюшни асас қилған болуп, 7 -мадда гези кәлгәндә қорал ишлитишни өз ичигә алиду.

японийә ички кабент вәзири шинзу аби, хитай билән русийә японийиниң мәйданиға йеқинлишиватқанлиқини билдүргән болсиму, лекин японийә сода гезити " нихон кейзай," японийә шималий корийигә қарши 7 - маддини ишлитиш тәклипидин ваз кечиши мумкин, дәп көрсәтти. Шинзу аби, имбарго тоғрисидики музакириләрниң ахириқи басқучқа берип қалғанлиқини билдүрди. Лекин җуңго японийиниң тәклип лайиһисини җүмә күни хәвпсизлик кеңишидә авазға қоюшқа қарши турған. Хитай тәрәпниң әскәртишичә, хәвпсизлик кеңиши техиму көп вақитқа еһтияҗ икән. (Әркин)