Yaponiye pyongyanggha qarshi imbargo mesilisini xewpsizlik kéngishide awazgha qoyushni chaqiriq qildi

Yaponiye shimaliy koriyining yéqinda bashqurulidighan bomba siniqi élip barghanliqi sewebidin xewpsizlik kéngishige sun'ghan pyongyanggha imbargo qoyush teklipini xewpsizlik kéngishide tézraq awazgha qoyushni telep qildi. Yaponiye tashqiy ishlar ministiri taru asu, bu mesilisining rusiyide chaqirilidighan 8 dölet bashliqlar yighini bashlinishtin burun awazgha qoyulushni ümid qilghan.

Yaponiyining teklip layihisi amérika, fransiye we en'giliyilerning qollishigha érishmekte. Lékin junggo yaponiyining teklip layihisi awazgha qoyulsa, ret qilish hoquqi qollinidighanliqini agahlandurdi we rusiye bilen birliship, teleppuzi yumshaqraq bir teklip layihisi maqullashni qollimaqta. Yaponiyining teklip layihisi b d t nizamnamisining 7 - maddisi buyiche imbargo qoyushni asas qilghan bolup, 7 -madda gézi kelgende qoral ishlitishni öz ichige alidu.

Yaponiye ichki kabént weziri shinzu abi, xitay bilen rusiye yaponiyining meydanigha yéqinlishiwatqanliqini bildürgen bolsimu, lékin yaponiye soda géziti " nixon kéyzay," yaponiye shimaliy koriyige qarshi 7 - maddini ishlitish teklipidin waz kéchishi mumkin, dep körsetti. Shinzu abi, imbargo toghrisidiki muzakirilerning axiriqi basquchqa bérip qalghanliqini bildürdi. Lékin junggo yaponiyining teklip layihisini jüme küni xewpsizlik kéngishide awazgha qoyushqa qarshi turghan. Xitay terepning eskertishiche, xewpsizlik kéngishi téximu köp waqitqa éhtiyaj iken. (Erkin)