Yalujang deryasi köwrükide qatnash toxtidi

• 
  2006-10-11

Birleshme agéntliqining xitayning shimaliy koriye chégrisigha jaylashqan dendong shehiridin xewer qilishiche, gerche xitay tashqi ishlar ministirlikining bayanatchisi lyujenchaw ' shimaliy koriye yadro siniqi élip bérip xitay bilen shimaliy koriye otturisidiki munasiwetni buzup tashlidi, emma ikki dölet otturisidiki qatnash hazir téxiche normal' dégen bolsimu, emeliyette 9 ‏- öktebir küni dendong shehiridin shimaliy koriyige qatnaydighan aptomobil we poyiz toxtitip qoyulghan.

Roytrs agéntliqining xewer qilishiche, 10 ‏- öktebir küni shimaliy koriye terep buyru q chüshürüp yalujang deryasining köwrüki arqiliq bolidighan qatnashni toxtatqan. Xitayning shimaliy koriye chégrisida turidighan azadliq armiye qisimliridimu soldatlargha aram élish yaki shexsiy ish bilen ruxset sorashni toxtitish buyruqi chüshürülgen. Erkin asiya radi'osining muxbiri dendong shehiridki bir orun'gha téléfon qilip qatnash ehwalini sorighanda, shu jaydiki kishiler 'hazir shimaliy koriye terepke ötkili bolmaydu' dep jawap bergen. (Weli)