Xitay shimaliy koriyini jazalash tedbirige passip pozitsiye tutmaqta


2006.10.12
Share on WhatsApp
Share on WhatsApp

Gerche xitay birleshken döletler teshkilati bixeterlik kéngishining shimaliy koriyge qaratqan ochuq ségnaligha awaz qoshup "shimaly koriyining yadro siniqi élip bérishi xata "dégen ipadini bildürgen bolsimu, emma béyjing yenila, shimaliy koriyige qarita qattiq jazalash qollinish herikitini qollashta passip pozitsiye bildürmekte.

Royétris agéntliqi peyshenbe küni, xitay tashqi ishlar ministirliqining bayanatchisi lyu jenchawning sözini neqil keltürüp": shimaliy koriyini jazalash usuli, shimaliy koriye mesilisini ténch yol bilen bir terep qilishta menpe'etlik rol oynishi kérek" dédi.

Birleshken döletler teshkilatida turushluq amérika elchisi, peyshenbe küni bixeterlik kéngishige bir parche qarar layihisi sunup, pyungyangning, yadro qoralliri siniqi pilanidin derhal waz kéchishini telep qildi. Mezkür qarar layihiside, shimaliy koriyge qoral yötkeshni qet'iy cheklesh bilen birge, her xil zinnet buyumlirini import qilishni men'iy qilish belgilen'gen. Amérika da'iriliri, bixeterlik kéngishining mushu hepte ichide mezkür qarar layihisige qol qoyushini ümid qilmaqta.

Pyungyang düshenbe küni, yadro qoralliri siniqi élip baridighanliqini élan qilghandin kéyin, yaponiye pyongyangni jazalash herikitini bashliwetti. Bu arida , shimaliy koriyining yaponiye ishliri mes'uli " eger yaponiye yene yéngi jaza qollansa, pyungyang " taqabil turush tedbiri " qollinidu dep bildürdi.

Yaponiye, shimaliy koriyige mal kirgüzüshni toxtitish, shimaliy koriyiliklerni yapon'gha kirgüsmeslikke oxshash bir qatar iqtisadiy jazalarni resmiy yolgha qoyushqa bashlidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.