Xitay hökümiti, shimaliy koriye chégrisidiki tamozhnilarda tekshürüsh ishlirini bashliwetti


2006.10.16
Share on WhatsApp
Share on WhatsApp

Amérika hökümiti düshenbe küni, xitay hökümitining b d t teripidin shimaliy koriyige qarshi yolgha qoyulghan imbargogha asasen shimaliy koriye chégrisida tekshürüsh ishlirini bashlatqanliqini bildürdi.

Aqsarayning bayanatchisi toni sino muxbirlargha bergen bayanatida, bizmu xitay hökümitining shimaliy koriye chégrisidiki tamozhnilardin ötken tawarlarni tekshürüshke bashlighanliqini angliduq. Bu xitay hökümitining özi qol qoyghan b d t qararigha emel qilidighanliqining bishariti hésablinidu.

B d t bixeterlik kéngishi shimaliy koriye atom bomba siniqi élip barghandin kéyin, amérika we gherb döletlirining telipige asasen shimaliy koriyige qarshi imbargo yolgha qoyghan. Gerche, bixeterlik kéngishining besh da'imiy ezasining béri bolghan xitay shimaliy koriyige qarshi imbargo qararini qollighan bolsimu, lékin amérika hökümiti, xitayning shimaliy koriye chégrisidiki tamozhnilarda tekshürüsh ishlirigha jiddiy qarimaywatqanliqini bildürgen idi.

Aqsarayning bayanatchisi, shimaliy koriye bilen bolghan munasiwiti hemde bu dölet bilen chégridash bolghanliqi tüpeylidin, b d t ning shimaliy koriyige qarshi yolgha qoyghan imbargosini emeliyleshtürüsh mes'uliyitining asasliq qi'ismi xitay we jenubiy koriyidin ibaret bu ikki döletning üstide bolidu, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.