Америкиниң шималий корийә ядро қораллири мәсилисини бир тәрәп қилиш дипломатийиси изчил давамлашмақта


2006.10.19
Share on WhatsApp
Share on WhatsApp

Җәнубий корийидә зиярәттә болуватқан, америка ташқи ишлар миниситири кондилиза райис пәйшәнбә күни":әгәр шималий корийә йәнә қайта ядро синиқи елип барса, мәзкүр дөләт техиму көп еғир ақивәтләргә дуч келиду" деди.

Хитай дөләт рәиси ху җинтавниң алаһидә вәкили, дөләт комиссари таң җашүән чаршәнбә күни, шималий корийиниң пайтәхти пйоңяңға йетип келип, шималий корийә рәһбири ким җоңил билән көрүшүп, хитай вә шималий корийә мунасивити шуниңдәк корийә йерим арилиниң җиддий вәзийити үстидә пикир алмаштурди.

Бу арида америка бирләшмә агентлиқи, америка һөкүмәт хадиминиң сөзини нәқил кәлтүрүп": ху җинтав чоқум вәкили арқилиқ, ким җоңилға ениқ вә қаттиқ позитсийисини йәткүзүп, шималий корийиниң қайта ядро синиқи елип бармаслиқини тәвисийә қилиду" деди.

Кондилиза райисиниң бу қетим асия дөләтлиридә елип бериватқан зияритиниң асаслиқ мәқсиди, шималий корийгә берилгән" имбарго" ниң нәтиҗисини қолға кәлтүрүштин ибарәт болуп, америка тәрәп йәнә, җәнубий корийидин, шималий корийиниң парахотлирини тәкшүрүш хизмитигә бирликтә қатнишишни тәшәббүс қилди, бирақ җәнубий корийә буниң шималий корийә билән тоқунуш һасил қилишиға сәвәб болуп қелишидин әндишә қиливатқанлиқини билдүрмәктә.

Кондилиза райис, җәнубий корийигә келиштин бурун японийә ташқи ишлар министири таро асу билән алаһидә сөһбәт өткүзуп, америка ‏- японийә икки тәрәпниң бу мәсилидә ортақ тиришчанлиқ көрситидиғанлиқи һәққидә вәдиләшкән иди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.